رمضان کی بازگشت: انڈونیشیا میں اساتذہ کے لیے تربیتی ورکشاپس

رمضان کا مقدّس مہینہ گزر چکا ہے لیکن اپنے اُن ٹریڈرز کی مدد سے ہم نے فلاحی پروگراموں کا سلسلہ جاری رکھا ہے، جنھوں نے اُس وقت عطیات اکٹھا کرنے میں تعاون کیا تھا۔

معلّمین کو بااختیار بنانے کے لیے ہم نے انڈونیشیا کے دس اسکولوں کے اساتذہ کے لیے دو تربیتی ورکشاپس اسپانسر کیں۔ اس اقدام سے فلاحی ادارے یایاسن تونس اکسارا Yayasan Tunas Aksara کے زیرِ انتظام کام کرنے والے 'آئی لو ریڈنگ' خواندگی پروگرام کو سپورٹ کیا گیا جس کا مقصد ملک بھر میں تمام بچّوں کے سیکھنے کے عمل کو بہتر بنانا ہے۔

پہلی تربیتی ورکشاپ 24 اپریل کو سمبا، مشرقی نوسا ٹینگارا میں اور دوسری 17 سے 21 مئی تک پالمبنگ، جنوبی سماٹرا میں ہوئی۔ ان ورکشاپس نے قابلِ قدر ٹریننگ فراہم کی جس میں اساتذہ کو ضروری مہارتوں اور ذرائع سے آراستہ کرنا شامل ہے تا کہ وہ بچّوں کے ساتھ اپنے کام میں بہتری لا سکیں۔

اس سرگرمی میں تربیتی ورکشاپس کو سپورٹ کرنے کے لیے نصابی وسائل اور پڑھنے کے لیے کتابیں بھی فراہم کی گئیں۔ ہر اسکول کو سایا سوکا میمباکا Saya Suka Membaca (SSM) مٹیریل کا ایک سیٹ دیا گیا جس میں انڈونیشیئن زبان کا خواندگی کا نصاب بھی شامل ہے جو بچّوں کو مشغول رکھنے اور اساتذہ کے کام میں آسانی کے لیے بنایا گیا ہے۔

سایا سوکا میمباکا مٹیریل کو بڑے پیمانے پر ٹیسٹ گیا ہے اور یہ بچّوں کی خواندگی کی مہارتوں کو فروغ دینے میں مؤثر ثابت ہوا ہے۔ SSM پروگرام کا مقصد موزوں کتابوں اور سیکھنے کے مربوط وسائل تک رسائی فراہم کر کے سیکھنے کے لیے ایسا ماحول پیدا کرنا ہے جو مطالعے کے شوق کو پروان چڑھائے اور تمام انڈونیشیئن بچّوں کو اپنی خواندگی کی مہارتوں کو فروغ دینے کے قابل بنائے۔

عام خواندگی کے فروغ کے ساتھ ساتھ ہماری ٹیم نے ہمارے سفیر آندرے رزکی کی مالی خواندگی کی ورکشاپ کو بھی شامل کیا۔ آندرے نے پروگرام میں شامل اساتذہ کو مالی خواندگی کی بنیادی باتیں سمجھائیں۔

ہم اپنے ٹریڈرز کا تہہ دل سے شکریہ ادا کرتے ہیں اور ہمیں یقین ہے کہ ان کی سخاوت بہت سے انڈونیشیئن بچّوں کی زندگیاں بدل دے گی۔